Arinta Ganacsade Axmed Osman Geelle Waa: Wafo Daba Dhah Iyo Ku Dardarsi.
Beryahaa w
axaa hadalhaynteedu socotay
dagaal ka dhexeeyey qoyska reer ismaciil cumar geele iyo ganacsade axmed Cismaan geelle.
Inkastoo markii hore Xukuumada Somaliland ee uu hogaamiyo Madaxweyne Muuse Biixi ay ka hadashay arrinta sida weyn looga hadal hayey iyo la safashada qoyska reer geelaha jibouti ee duudsiyey ganacsade Axmed geele.
iska-markaana ay Wasiirada Arimaha gudaha iyo gashaandhiga ex. wasiirkii cadaalada ay cadeeyeen inaanay jirin wax warqad ah ama soo qabasho ah oo loo qoray ganacsade Axmed Cismaan Geelle, wararkaa la isla dhexmarayaana ay yihiin ayey yidhaahdeen wax lagu dhaawacaayo sumcada ganacsadaha
Hadaba arinta la yaabka noqotay; isagoo Afhayeenka Madaxtooyada ; uu si cad Ganacsade Axmed Cismaan Geele ugu sifeeyey nin lacago ka soo dhacay Bangiyo dalka Jabuuti ku yaalla isla markaana uu sheegay in Hargeysa aaney aheyn meel lagula soo dhuunto lacagaha caalamka laga soo dhaco . uuna sheegay in Dawladda Somaliland ay raadinayaan ictiraaf Caalami ah,
Hadaba Berigii hore waxa jiri jirey Bayac-mushtari la odhan jiray kabadhe oo wax laysku dhaafsan jirey.
waxaana dhacday nin ka mid ahaa kabadhaha hore ayaa wuxuu qaaday raashin wuxuuna geeyay degaan uu joogo nin aad u kibray oo aan cid dadka ka qabataana ku nooleyn ninkii kibirka badnaa ayaa ku yidhi ninkii kabadhaha ahaa intuu dhaartay yidhi sadex arin waa inaad qasab iigu yeesha. haye.1.marka hore neefkayga anigaa qiimaysanaaya.
2. hadana waxaan ku qiimaysto waad iga siisanaysaa.
3. iyo weliba raashinka in aan aniga keligay miisamanaayo.
ninkii kabadhaha ahaa ileyn degaankiisii ma joogee ; sadexdii xaalaba wuu ogolaaday.
Iyadoo ninkii kibray raashinkii buuxsaday oo galaan kasta. si weyn u buuxsaday . taasi waxaa ka sii karnaa; iyadoo ninkani ahaa shaqsigii Afsomaaliga cusub ku soo kordhiyey ficilkaa xun ee uu sameeyey aawaddii.
kuna darsaday oo yidhi .(Wafo Dabo dhah iyo ku dardarsi. ) oo galaankiiba uu galaan kale ka sameystay . isla-markaana uu ku xad-gubay qiyaastii cadaalada ee wax lagu kala miisaaman jirey. waxaana ka dhacday buuxsasho xad-dhaafa iyo weliba ku dardarsi badan.
si kastaba oo wax u dhaceen ; warkii kabadhaha iyo cadalad-daradii ku dhacday wuxuu gaadhsiiyey degaankii uu ku dhashay.
Iyadoo nin la odhan jiray Bulaale Baar-jeex oo wax ku cashuuri- jiray dowga loo yaqaano miriye ayaa warkii gaadhay oo si weyn uga cadhooday.
baadilka ninkaasi ku kacay.
dabadeed ninkii kibirka badnaa wuxuu sugo oo marba fariimo khiyaamo ah u diraba maalintii danbe.
Ayaa kiiyoo oo Boqol awr oo safara ah wata. waxuu ku qabtay xaruntiisii dowga miriye.
Xaaji Bulaale markii u gartay ee uu xaqiiqsaday inuu yahay ninkii kibirka badnaa ee uu sugaayey ayuu wuxuu yidhi. intaas baa dhaari iga tahay Boqolka awr in gacan aan gacantaada ahayni gowricin, oo haraga ka bixinayn, oo weliba qaybin .
Sadexdiiba naftisii ayuu ku furtay ninkii kibirka badnaa. oo wuu fuliyey amarkii Bulaale.
Hilibkii awrtana Bulaale wuxuu dhigay dowga miriye oo wakii yidhi maanta waxaan isu eegayaa; Aqoon Iyo Calaf.
oo qofkii garanaayey Bulaale Baarjeex waa uu cunay hilibkii . kii kalena waa uu iska dhaafay.
halkaasu markaa waxuu ku yidhi ; waxaan tartansiinaayey ; Aqoon Iyo Calaf.
Waxaana ku yeelatay ama “Aqoon baa ku badisay”.
Waxaan uga jeeddaa soomaalidu waxay tidhaahda Bowdo rag maalinba midbaa qaawan Adhi jirina ma kala abaal weydo.
Marka Madaxweynaha jabuuti waa nin Somaali ah. sidoo kale Hargeysa iyo Jabuutina badi uma dhaxayso .
Wuxuu yidhi Gabayaagii Gamuute “gadh-cade” mar sidan oo kale loo dhacay oo xoolo laga qaaday. looguna xoog sheegtay degaan Aan degaankiisa ahayn. waxuu yidhi.
Anfaac waa la cunaa.
Ergana waa dawataa
Arlana waa isku taal
Rag aduunka ku noolina
kol uun buu is arkaa.
sida taariikhdu xustay. bil iyo 20 cisho. ka-dib . abwaan Gamuute waxuu ciidan geliyey qolyihii dhacay kuwiisii iyo xoolo kale oo ay leeyihiin dhamaan wuu kala soo hadhay. isagoo wata ciidan la odhan-jirey carwo. ayuu dhamaan xoolihii oo dhan kala wareegay.l
hadaba maanta waanu ognahay Xogta iyo waxaa laga doonaayo Ganacsade Axmed Cisman Geele iyo hantida kaga maqan Jabuuti ee isugu jirta guryo, dhul, Wershado iyo Gaadiid.
Xukunka qoyska xukuma jibouti ama xukun qarqooshka ay ku rideen ee lagu lunsanayo hantidiisii oo dhan isaga oon marnaba loo ogolaan maxkamad Cadaaladda iyo inuu Axmed is difaaco.
Haatan iyo maantana dacwadii waxaa loo soo xawilay Somaliland oo laga ansixiyay. wasaaraddaha arimaha dibeda, cadaalada iyo xeer Ilaaliyaha guud, si qarsoodi ah, waxaana la isleeyahay in Somaliland laga fuliyo xukun Ka dhacay dal shisheeye ah, xayiraadna la saaro warshadaha iyo xoolihiisa Somaliland
Gebagebaddii waxaan ku leeyahay ismaciil cumar geelow waxaad tahay nin Somali ah waxaana la yidhi bowdo rag malinba midbaa qaawan iska jir godobaha badan ee aad shacabka Somaliland gashay iyo tan gaar ahaan ee iminka Ganacsade Axmed Cismaan geelle.
Abw. Maxamed .Xasan. Dhaglas.
