Saturday, July 20, 2019
Home Maqaalo Dastuurka Somaliland ma la jiifiyaana bannaanbaa?

Dastuurka Somaliland ma la jiifiyaana bannaanbaa?

0
59
Madaxaweyne-nimadiyo
Maskabkiyo xilkaaguba
Ma muquunis uun baa?

Ma miskiinka darafkee
Muska reerka joogiyo
Magantaada xidho baa?

Ma masaar afweynoo
Muruqmaalka liitiyo
Maxasta uun jaraysaa?

Ma fallaadh mariidliyo
Mishigaan duryamayoo
Masalaha ag yaallaa?

Mise waaba miiniyo
Madaafiicda goobtiyo
Militeri hariiryo leh?

Ma mas iyo abees iyo
Jilbis milil afuufoo
Madaxtooyo korisoo
Muska Xaraf ag jiifaa?

1) Ismaaciil Yare wuxuu yidhi “Anigu Muuse madaxweyne uma aqoonsani kuna odhan maayo”

2) Guri Barwaaqo: Waa ninkii aflagaadeeyey Mujaahid Sayyid Maxammed Cabdulle Xassan, kuna sifeeyey nin aan Muslim ahayn, sidoo kale dafiray taariikhdii daraawiishta oo ku tilmaamay wax aan jirin oo dhib mooyee aan waxba laga dheefin. Waa ninkii aflagaadeeyey hablaha Ciidagale oo weliba ka qoray buugga (Satanic Verses) ee waddanka khalkhalka gelin gaadhay ee mudahaaradyada iyo shiraraka Jaraa’id ee isdaba joogga ah sababi jirey ee qabiilooyinka madaxa isu gelin gaadhay.

Madaxweynaha “Jamhuuriyadda” ma aqoonsani iyo 18ka May ma aqoonsani keebaa denbi ah, keebaanse ahayn? Keebaan dastuurka waafaqsanayn oo xadgudub ku ah, keebaanse ahayn?

Waa maxay sharciga qabtay Dhakool ee aan qaban labadan nin ee kale?

Ma Dhakool baa amniga khatar ku noqday oo dad kiciyey mise ninka buugga ku qoray aflagaadada ee qabiilooyinka foodda isu gelin gaadhay kana tallaabay xadkii anshaxa ee Soomaalida iyo kan Islaamkaba?

Siyaad Barraa xaqdarro samayn jirey ma sidanay dhashay?

Maxamuud Ibrahim (Xaaji)

dalmarbilaal@yahoo.com

LEAVE A REPLY

Please enter your comment!
Please enter your name here

%d bloggers like this: