Kim Jong-un oo hakiyay tallaabo milatari oo ka dhan ahayd Kuuriyada Koonfureed

0
38

Kuuriyada Woqooyi ayaa hakisay qorshihii ahaa “ficil millatari” oo ka dhan ah Kuuriyada Koonfureed, sida ay sheegtay warbaahinta dowladda.

Waxaa sii kordhayay xiisadda udhaxeysa labada dal toddobaadyadii la soo dhaafay iyadoo kooxaha koofurta ay qorsheynayeen inay warqado dacaayad ah ka gudbiyaan xuduuda.

Waxaa jiray hanjabaado Woqooyiga ka soo yeerayay ee ahaa iney ciidamo geyneyso aagga milatariga ka caaggan ee ku yaalla xadka udhaxeeya labada dal.

Laakiin kulan uu shir gudoominayay hogaamiye Kim Jong-un, ayaa lagu sheegay in la hakiyay go’aankii ficilka milatariga ee Kuuriyada Waqooyi, iyadoona sababta lagu sheegay in la tix-gelinayo xaalado taagan.

Toddobaad ka hor ayay hogaamiye Kim walaashii Kim Yo-jong milatariga amar ku siisay in tallaabo adag la qaadi doono waxayna xukuumadda Pyongyang ku sababeysay inay Seoul ku guuldarreysatay inay joojiso waraaqaha lidka ku ah dowladda Kuuriyada Waqooyi ee lagu soo daadiyo xuduudda.

Maxaa dib u soo celiyay xiisadda labada dal?

Tan iyo 2018-kii waxaa socday dadaallo lagu hormarinayay xirrirka labada dal hase yeeshee xiisadda ayaa toddobaadyadii ugu dambeeyey cirka isku sii shareereysay, iyada oo Pyongyang ay Kuuriyada Koonfureed ku eedeysay iney faafiso dacaayado nidaamka lid ku ah ay xadka labada dal ku baahiso.

.

Warbaahinta Kuuriyada Waqooyi ayaa Kuuriyada Koonfureed ku eedeysay “iney ku xadgudbeen ayna burburiyeen” heshiiski ay labada dal galeen 2018-kii, heshiiskaasi oo uu ka mid yahay heshiiski Panmunjom.

Waxaa sida oo kale weerar dhinaca afka ah ku qaadday Madaxweynaha Kuuriyada Koonfureed Moon Jae-in, Kim Jong-Un walaashii Kim Yo-Jong.

Xafiiska Madaxweynaha Kuuriyada Koonfureed Moon wuxuu sheegay ficilka ay ku dhaqaadaqy Kuuriyada Waqooyi inuu yahay mid aan micna badan ku fadhiyin, wuxuuna ka digay Seoul iney wixi hadda ka dambeeya ay aqbaleyn dabeecadaha aan sinnaba loo aqbali karin ee ay caadeysatay Kuuriyada Waqooyi.

Kuuriyada Waqooyi iyo tan Koonfureed ayaa waxaa kala qeybiya aagga milateriga ka caaggan – halkaas oo ku teedsan kalaqeybiya labada dal soona jiray tan iyo dagaalkii Kuuriya ee 1950-meeyadii.

Kooxaha ay hogaamiyaan dad ka goostay Kuuriyada Waqooyi ayaa badanaa waxa ay buufinno u diraan dhinaca kale ee xadka, buufinnadaas oo ay ku dhex jiraan warqado iyo waxyaabo kale, oo ay ka mid yihiin, cunno, lacag $1, raadiye iyo qalabka USB-ga oo ay ku duuban yihiin warar iyo ruwaayado Kuuriyada Koonfureed lagu sameeyay.

Maxay aheyd goobtan milateriga ka caaggan?

Aagga milateriga ka caaggan ayaa waxaa la sameeyay kaddib dagaalkii Kuuriya 1953 si loo abuuro aag u dhaxeeya labada dal oo deggan.

Tobannaankii sanadood ee la soo dhaafay aaggaasi waxaa ka dhacay israsaasayn, ciidammada Kuuriyada Waqooyi oo dhinaca Koonfur usoo baxsada, iyo wadahadallo nabadeed oo xiisadaha lagu qaboojinayo. Koonfurtana waxa ay halkaas u tahay goob ay dalxiisayasahu tagaan.

Xadka kala qeybiya labada Kuuriya waa mid ka mid ah xuduudaha ay sida weyn u joogaan milateri aad u hubaysan

Intii ay socdeen wadahadalladii u dhaxeeyay Kuuriyada Waqooyi iyo Mareykanka, aagga ka caaggan milateriga ayaa sidoo kale waxa ay aheyd goobta ay isku salaameen Kim Jong-un iyo Donald Trump iyo Moon Jae-in.

Labadii sanadood ee la soo dhaafay dowladda Kuuriyada Koonfureed ee saldhigeedu yahay Seoul ayaa waxa ay iskudayday in goobtaasi ay ciidammada badan joogaan ay u badesho aag nabdoon.

In la khafiifiyo xiisadaha milateriga ee xadka ayaa waxaa isku raacay labada hogaamiye ee labadaasi dal mar ay bishii Sibteembar ee 2018 ku kulmeen magaalada Pyongyang.

LEAVE A REPLY

Please enter your comment!
Please enter your name here