Guddoomiyaha Xisbiga WADDANI mudane Cabdiraxmaan Maxamed Cabdillaahi Cirro ayaa maanta shir guddoomiyey shirkii fulinta xisbiga oo muddo 4 billood ah aan qabsoomin.
Shirkan ayaa lagaga hadlay Arrimaha qabsoomidda doorashooyinka, xulashada xildhibaannada xisbiga, dar-dar galinta hawlaha xisbiga iyo sidii haweenka iyo bulshada laga tirada badan yahay u heli lahaayeen xuquuqdooda siyaasiga ah ee ka maqan
Sida oo kale waxa la iskaga xog waraystay arrimaha wada hadallada Somaliland iyo Soomaaliya, dib u habaynta qaab dhismeedka xisbiga oo ay ugu horeeyaan dib u habaynta Gobollada iyo garabka Dhallinyarada.
Waxa kale oo la iskaga xog waraystay waxqabadka xisbiga ee muddadii aanay shirarku qabsoomin COVID 19 awgii
