Murashaxa Madaxweynaha WADDANI iyo Madaxda Sar-sare ee Xisbigaasi oo Ka Qeyb-galay Aas Qaran oo Hargeysa Looggu Sameeyey Marxuum/Xildhibbaan Cabdiraxmaan Talyaanle

0
282

Murashaxa Madaxweynaha xisbiga mucaaradka ah ee WADDANI Dr.Cabdiraxmaan M.Cabdillaahi (Cirro), ayaa maanta ka qeyb-galay aas qaran oo magaalada Hargeysa looggu sameeyey Alle ha u naxariistee Marxuum/Xildhibbaan Cabdiraxmaan Talyaanle oo ka mid ahaa mudaneyaasha Golaha Wakiilada Somaliland oo xaalad caafimaad ugu geeriyooday dalka Hindiya.

Murashaxa Madaxweynaha WADDANI, ayaa sida oo kale waxa aaskaas kala qeyb-galay Murashaxa Madaxweyne ku xigeenka Xisbigaasi, Guddoomiyaha Ku meel-gaadhka ah ee Xisbigaasi, Hoggaamiyaha Xisbiga WADDANI, badi ba hoggaanada, guddiyada fulinta, garabka dhallinyarta iyo taageerayaal tiro badan oo ka tirsan Xisbiga WADDANI.

Murashax Cirro iyo Madaxda kale ee Xisbiga WADDANI, ayaa dhammaantood ba u duceeyey Marxuumka, waxaana ay Alle uga baryeen in uu godka u nuuriyo sida oo kale na uu Eeb ka waraabiyo naxaristiisii jannatul Fardowsa. Ehelkii, qaraabaddii iyo asxaabtii uu ka baxayna samir iyo iimaan ka siiyoo.

Alle ha u naxariistee Marxuum Xildhibbaan Cabdiraxmaan Talyaanle, ayaa sida oo kale ka mid ah saraakiisha ugu sar-sareysa Xisbiga WADDANI isaga oo ka soo jeeday deegaanada bariga ee gobalka Sool.

LEAVE A REPLY

Please enter your comment!
Please enter your name here