Madaxweyne Trump Oo Cafis U Fidinaya Sarkaal Baxsad Ah Oo Sabab U Noqday In La Xidho Dad Soomaali Ah

0
30

Madaxweynaha dalka Mareykanka Donald Trump ayaa laga yaabaa inuu cafis u fidiyo sarkaal baxsad ah oo sabab u noqday in xabsi la dhigo afar qof oo kasoo jeeda Soomaali ah.

Warbaahinta maxaliga ah ee Mareykanka ayaa warisay inay suurto-gal tahay cafis loo fidiyo Edward Snowden oo dhexda kaga jiray kiis qabsaday hadal heynta waddanka mareyknaka sannadkii 2013.

Donald Trump wuxuu difaacay Snowden, wuxuuna shaaca ka qaaday in dib loo eegi doono, taasoo loo fasirtay inuu gogol xaadhanaayo cafis uu u fidiyo.

“Waan maqlay in dad badan ay ii arkaan inaanan cadaalad sameyn, dadna waxey u arkaan inaan wax fiican sameeyay, marka si wanaagsan ayaan ula macaamilaynaa,” ayuu yidhi.

Edward Snowden ayaa isaga cararay waddanka Mareykanka kadib markii uu soo bandhigay cidda sababtay in xagjirnimo iyo Al-Shabaabnimo loo maxkamadeeyo afar nin oo Soomaali ah.

Basaaly Saeed, Ahmed Nasir Tahliil Mohamud, Mohamed Mohamud iyo Issa Doreh oo ku noolaa magaalada San Diego ayaa la xidhay.

Hay’adaha Sirdoonka Mareykanka waxey sheegeen in sarkaalkaan uu ogolaansho la’aan qabtay shaqadaan.

Dhawaan ayey aheyd markii maxkamad federaal ah ay xukuntay in Snowden uu sharci darro sameeyay, balse ayna wax saameyn ah ku laheyn go’aankii lagu xidhay soomaalida dambiga lagu soo oogay.

LEAVE A REPLY

Please enter your comment!
Please enter your name here